Maximilian von gotz gñaden Romischer Kunig. etc. ; Lieber getrewer. Wir haben glaublich kuntschaft Das sich etlich vntersten dem durchleuchtigen Fursten herrñ Wladislaen Zu Hungern vnd Behaim kunig ... vnserm lieben brueder oheim vnd churfursten sein regiment zenemen vnd damit nach seinem abgang vns von vnsern Erblichen gerechtigkait der Cron hungern vnd beheim zudringen alles dem heiligen reich deutscher Nation ... zu mercklichem schaden vnd nachtail ... So empfelheñ wir dir mit allem ernst vnd wellẽ das du auf mitwoch nach sandt Michels tag schiristkunftig zu sandt veit in kerndñ in aigner person erschiensest: Geben an pfintztag nach vnser frawen tag irer geburde. Anno domini. etc. Funffzehen hundert vnd im funften. Unser reiche des Romischen im zwaintzigisten vnd des Hungerischen im Sechzehenden Jaren